Útstykkja kommunalt lendi til summarhús í Hesti

Ætlanin er at stykkja út til tíggju-tólv summarhús sunnan fyri bygdina í Hesti.

Eingin byggisamtykt er fyri Hest, men Tórshavnar kommuna hevur gjørt eitt uppskot um bygggisamtykt, sum varð lagt fram á borgarafundi í Hesti í gjár. 

Fólk í oynni kunnu nú gera viðmerkingar til uppskotið, sum síðani verður viðgjørt á býráðsfundi. 

Eftir ta viðgerðina skal uppskotið liggja alment frammi til hoyringar í seks vikur. 

Síðani verður tað sent landsstýrinum til góðkenningar.

Tórshavnar kommuna eigur lendi í Hesti, sum ætlanin er at útstykkja til summarhús.

Strandfarasiglingin varð eisini viðgjørd á borgarafundinum í Hesti í gjár.

Ferðirnar eru ov fáar, halda fólk.

Fundur verður við landsstýrismannin í samferðslumálum um siglingina í januar næsta ár.