Yvirtøka samtykt hóast danir vilja bíða

Yvirtøka samtykt hóast danir vilja bíða
Hóast danir hava gjørt vart við, at avgerðin um yvirtøkuna skal bíða, varð hon samtykt við stórum meiriluta í løgtinginum í gjár
Løgtingið samtykti yvirtøku við atkvøðunum 28-5, hóast danir vildu bíða.
 
07.12.2018 - 07:09

Hóast danir hava gjørt vart við, at yvirtøkan skal bíða, varð hon samtykt við stórum meiriluta í løgtinginum í gjár.

Á tingfundinum í gjár varð eitt bræv frá løgmanni lagt fram.

Sambært tí er tvístøða millum danir og føroyingar um yvirtøkuna.

Danir skilja støðuna soleiðis, at bíðast skal eftir arbeiðsbólkunum við umboðum fyri føroyskar og danskar myndugleikar, sum eru settir at fyrireika yvirtøkuna, ein er fyri landkort og ein fyri sjókort. 

Serliga hugsa danir um, at markamótið millum kort- og landmátingarmyndugleikan og verjumál skal lýsast nærri fyri yvirtøkuna. 

Løgmansskrivstovan hevur eina aðra fatan. Hon sigur, at bólkarnir skulu fyrireika sjálva yvirtøkuna, ikki avgerðina um yvirtøkuna.

Fyrireika yvirtøku ikki avgerðina um yvirtøku

Arbeiðssetningurin hjá báðum bólkum er at lýsa, hvussu økini verða fyrisitin í dag, altjóða samstarv, hvussu yvirtøkan ítøkiliga verður framd og framtíðar samstarv millum føroyskar og danskar myndugleikar, eisini altjóða bindingar. 

Sambært tíðarætlanina verða báðar frágreiðingarnar latnar í ár. 

Løgtingið hevur samtykt uppskotið hjá løgmanni um at yvirtaka málsøkið, sum eitur kort- og landmátingarmyndugleikin.

Lógin um yvirtøkuna skal koma í gildi 1.apríl næsta ár, sjókortini tó ikki fyrr enn 1.januar í 2020.

Mett verður, at tað fer at kosta 2,6 mió. kr. at yvirtaka landkortini og 5,6 mió. kr. at yvirtaka sjókortini.

Eitt uppskot frá Kaj Leo Holm Johannesen um at senda málið aftur í nevnd fall á tingfundinum í gjár.


 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592