Borgarstjórin komin á skránna í býráðnum

Málið um politisku leiklutirnar hjá Kristini Michelsen sett á dagsskrá á býráðsfundi á Tvøroyri.

Fundur verður 29. desember og sjeynda punkt á skránni er: "Loyvi borgarstjórans at virka sum borgarstjóri og løgtingslimur"

Tvøroyrar býráð hevur givið borgarstjóranum loyvi at røkja báðar sessir, men eftir at nýggjur meirluti er komin í býráðum, hava tey vilja havt málið til nýggja viðgerð, men higartil uttan úrslit. Men nú er málið loksins komið á skránna.

Kristin Michelsen fór í feriu 5. desember og Anita Viðbergsdóttir er borgarstjóri til Kristin Michelsen kemur aftur.

Kristin Michelsen hevur ikki boðað frá, hvussu leingi hann er í feriu. Men næsti býráðsfundur verður altso leygardagin 29. desember og tá skulu politisku leiklutir hansara viðgerast, stendur á heimasíðuni hjá Tvøroyra kommunu.