Afturkalla dunnubringu

Heilsufrøðiliga Starvsstovan afturkallar feska dunnubringu, sum møguliga er seld í Føroym.

Talan er um vøru, ið eitur Fersk Frilands Oscar dunnubringa 1500 gram.

Framleiðsludagarnir eru 12/12-18, 13/12-18, 14/12-18 og 15/12-18.

Tað er danska Fødevarestyrelsen, ið afturkallar vøruna.

Staðfest er, at partar av vøruni lukta illa, ella ikki sum hon skal, og tí er hon ikki egnað til mannaføði.

Talan er um vøru, sum møguliga er seld í Føroyum, og tí vilja vit gera fólk varug við fráboðanina, sigur Heilsufrøðiliga Starvsstovan í tíðindaskrivi.

Heimasíðan hjá Heilsufrøðiligu Starvsstovuni er hfs.fo og heimasíðan hjá danska Fødevarestyrelsen er foedevarestyrelsen.dk