Avgerð verður tikin um leiklutirnir hjá Kristini

Málið um politisku leiklutirnar hjá Kristini Michelsen stendur loksins á dagsskránni, tá Tvøroyrar byráð á middegi í dag hevur býráðsfund.  

Sjeynda punkt á skránni er: 

"Loyvi borgarstjórans at virka sum borgarstjóri og løgtingslimur"

Tvøroyrar býráð hevur fyrr givið borgarstjóranum loyvi at røkja báðar sessirnar. Men eftir at nýggjur meiriluti er komin í býráðum, hava tey vilja havt málið til nýggja viðgerð, men higartil uttan úrslit.   

Men nú er málið loksins komið á skrá. 

Orsøkin er, at Anita Viðbergsdóttir, varðaborgarstjóri, hevur røkt borgarstjórasessin, meðan Kristin Michelsen hevur verið á feriu. Harvið hevur hon eisini havt ábyrgd av skránni fyri býráðsfundirnar. 

Býráðsfundurin á Tvøroyri verður í dag klokkan 12.