U16 EM undankapping í Føroyum

Fyri fyrstu ferð eru Føroyar umboðaðar í U16 flogbólti, sum er yngsti árgangur, sum føroyskur flogbóltur nakrantíð hevur kappast í.

Føroyar eru í bólki saman við Írlandi og Danmark. Í hinum bólkinum eru Finnland, Ísland og Svøríki.

Flogbóltssambandið sigur, at hetta er størsta einstaka kappingin, sum tey hava roynt at fyriskipað á heimavølli.

Føroyar spæla báðar sínar innleiðandi dystir í dag. Klokkan 15.00 er mótstøðan Írland, og klokkan 19.30 spæla Føroyar og Danmark.

Fjórðingsfinalur og hálvfinalur verða spældar leygardagin. Dystirnir um endaligu støðuna verða spældir sunnudagin.