Mál um arbeiðsvanlukku latið fútanum

21.01.2019 - 13:41
AktueltSamfelag
Mál um arbeiðsvanlukku latið fútanum
Arbeiðseftirlitið hevur latið ákæruvaldinum málið um eina arbeiðsvanlukku, sum hendi á Tvøroyri í fjør summar
Arbeiðseftirlitið er nú liðugt við at kanna, hví ein 56 ára gamal maður lat lív í einari arbeiðsvanlukku á Varðanum Pelagic á Tvøroyri 21. juni í fjør
 

Arbeiðseftirlitið er nú liðugt við at kanna, hví ein 56 ára gamal maður lat lív í einari arbeiðsvanlukku á Varðanum Pelagic á Tvøroyri 21. juni í fjør.

Hóast Arbeiðseftirlitið er liðugt við sín part, er enn óvissa um ymisk viðurskifti, sum hava við arbeiðsvanlukkuna á Tvøroyri at gera.

Arbeiðseftirlitið latið ákæruvaldinum málið

- Vit hava kannað viðurskiftini (kring vanlukkuna, red.) nærri, og eru liðug við okkara part. Tað sigur Leivur Persson, stjóri á Arbeiðseftirlitinum, við útvarpið.

Arbeiðseftirlitið hevur nú latið fútanum frágreiðingina um arbeiðsvanlukkuna á Tvøroyri. Tað er gjørt, tí ákæruvaldið nú skal taka støðu til, um nakar kann revsast í málinum.

- Vit hava biðið um ein fund við fútan, fyri at fáa greiði á, um grundarlag er fyri einum revsirættarmáli, har "onkur" kann revsast, sigur stjórin á Arbeiðseftirlitinum.

SÍ EISINI Arbeiðsvanlukka kravt eitt mannalív

Leivur Persson vil ikki koma nærri inn á, hví Arbeiðseftirlitið nú hevur valt at lata fútanum málið um arbeiðsvanlukkuna á Varðanum Pelagic at taka støðu til.

- Onkur ivamál eru, sum gera, at vit saman koma at hyggja nærri at umstøðunum við arbeiðsvanlukkuni, sigur stjórin á Arbeiðseftirlitinum.

Kann ikki siga so nógv

Tá talan er um minni álvarsom arbeiðsóhapp, kann Arbeiðseftirlitið av sínum eintingum revsa við einari sekt. Tá talan er um álvarsamar arbeiðsvanlukkur, skulu mál latast ákæruvaldinum at taka støðu til. Metir ákæruvaldið, at nakað revsivert er farið fram, verða mál fyrireikað og latin rættinum.

- Spurningurin er, hvussu grovt brotið á arbeiðs- og umhvørvislógina er í júst hesum førinum. Tað skal fútin nú taka støðu til, sigur Leivur Persson, stjóri í Arbeiðseftirlitinum, í samrøðu við útvarpið.

Meira kann hann í løtuni ikki siga orsakað av tagnarskylduni. Arbeiðsvanlukkan á Varðanum Pelagic á Tvøroyri hendi 21. juni í fjør, tá arbeiði, við at byggja uppaftur virkið eftir eldsbruna, var í gongd.

 
Nýggjastu sendingar í ÚV
Fríggjadag 22. januar
Morgunlesturin fríggjamorgunin 22. januar 2021
119023
Hósdag 21. januar
RagnarRokk 21.januar 2021
119127
Hósdag 21. januar
Hanus Kamban er gestur í Dansivali (2:2)
119140
Hósdag 21. januar
Breddin
119254
Nýggjastu sendingar í SV
Hósdag 21. januar
Millum heimsins bestu bodybuildarar
119256
Mikudag 20. januar
Jørðin II 1 - Oyggjar
119181
Mánadag 18. januar
3-2
119108
Sunnudag 17. januar
Andakt við Jens Bech
119046