Nú eru bara fýra eftir

Tað er møguleiki fyri, at tvey norðurlond koma at spæla HM-finaluna í hondbólti.

Danmark vann í kvøld á Svøríki, og spældi seg samtundis víðari til HM-hálvfinalu.

Danmark vann 30-26. Støðan í hálvleikinum var 13-13. 

Føroyingurin í danska landsliðshópinum, Jóhan á Plógv Hansen, kom ikki á vøllin.

Ein stuttur samandráttur frá dystinum kann síggjast her

Úrslitið hevði samtundis við sær, at tað verður Noregi og ikki Svøríki, sum eisini kemur víðari til hálvfinalu.

Noregi vann fyrr í dag 35-26 á Ungarn.

Hini bæði londini, sum eru komin víðari, eru Týskland og Frakland.

Báðar hálvfinalurnar verða spældar fríggjadagin.