Tilhald er blivin frástøða

Tilhald er blivin frástøða
Tað skal vera lættari hjá fútanum at geva fólki boð um at halda seg burtur frá øðrum fólk, geva fólki frástøðuboð 
Fútin skal hava størri heimildir at geva fólki boð um frástøðu.
 
13.02.2019 - 08:07

Tað skal vera lættari hjá fútanum at geva fólki boð um at halda seg burtur frá øðrum fólki. 

Tað heldur landsstýrið, sum skjýtur upp at broyta tilhaldslógina, so fútin kann taka fyribilsavgerð um frástøðuboð. 

Samstundis verður orðið tilhald broytt til frástøðuboð.

Landsstýrið heldur, at í ávísum førum eiga vanligu krøvini um grundaðan illgruna fyri at kunna áleggja tilhald fyribils at verða linkað. 

Hetta verður gjørt fyri at verja tann órættaða og møgulig húsfólk hjá tí órættaða í serligum støðum. 

Í stuttum kann fútin áleggja fyribils tilhald, um fólk við rímiligari grund er undir illgruna at valda einum øðrum ónáðir. 

Ætlanin er, at nýggja heimildin hjá fútanum um at taka fyribilsavgerð um tilhald, ella frástøðuboð, skal hava sama rættarvirknað sum vanlig frástøðuboð eftir tilhaldslógini.

Broytingarnar í tilhaldslógini fóru í Rættarnevndina eftir fyrstu viðgerð í løgtinginum í gjár.
 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442