Metingarnevndin sett

Metingarnevndin, ið skal taka støðu til umsóknirnar um menningarkvotur, er nú sett. Tað boðar Fiskimálaráðið frá í tíðindaskrivi.

Limir í nevndini eru Gestur Hovgaard, Arnbjørn Egholm, Guðrið Andorsdóttir, Rúna Hjelm, Bartal Dulavík. Varalimir eru Mathea Hilduberg og Eyðun Leo.

37 umsóknir komu inn

Gestur Hovgaard, Arnbjørn Egholm, Guðrið Andorsdóttir vóru eisini við í nevndini, ið viðgjørdi menningarkvoturnar í fjør.

Metingarnevndin viðger og ger tilmæli um at játta menningarkvotur. 37 umsóknir komu inn um menningarkvotu, tá freistin var úti klokkan 15 seinnapartin í gjár.

Nøgdin av menningarkvotu í ár eru 11.711 tons av svartkjafti, 3.159 tons av makreli og 4.695 tons av norðhavssild. Í fjør komu 38 umsóknir inn um menningarkvotu.