Kannar framvegis Jodel og Glasir

Kannar framvegis Jodel og Glasir
Kanningardeildin hjá løgregluni kannar enn málið um boðini á samskiftismiðlinum Jodel til næmingar á Glasi síðst í januar
Jodel er ein samskiftismiðil, sum til ber at brúka dulnevnt
 
06.03.2019 - 11:38

Tann, sum sendi boðini, boðaði sjálvur frá, eftir at rektarin á Glasi hevði meldað tilburðin. Næmingar fingu boð um ikki at fara í skúla. 

Boðini vórðu tikin í álvara, tí hetta eru somu boðini, sum verða brúkt í USA, tá fólk skjóta frá hond og drepa fólk í skúlum har.

Politiið tók síðani tríggjar 18 ára gamlar menn, næmingar á Glasi, og avhoyrdi teir. Teir vórðu síðani latnir leysir. Ein teirra er skuldsettur.

Dulnevnd boð

Boðini á Jodel, sum vóru dulnevnd, er fyrsta málið av sínum slagi í Føroyum. Í Danmark vóru í fjør 18 mál, har politiið var í skúlum í sambandi við møguligar hóttanir. 

Tað vísir ein samanteljing, sum P1 Dokumentar hjá Danmarks Radio hevur gjørt. Í flestu førum eru ungdómar handtiknir, ungdómar heilt niður í 15 ára aldur.

Og í nøkrum førum eru tey eisini dømd í rættinum. Í øðrum førum er talan um frídømingar, tí rætturin metti, at talan var um skemt, vánaligt skemt.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF