- Tíðindi, mentan og ítróttur
Nýggj nevnd í Lærarafelagnum
Nýggj nevnd í Lærarafelagnum
Á aðalfundinum í gjár varð nýggj nevnd vald í Føroya Lærarafelag
![](https://kvf.fo/sites/default/files/styles/grein-ovasta-mynd/public/jacob_eli_s._olsen.png?itok=hicUZSYR)
Jacob Eli S. Olsen er nýggjur formaður í Føroya Lærarafelagi
Mynd: savnsmynd
07.04.2019 - 10:57
Føroya Lærarafelag hevur fingið nýggjan formann.
Á aðalfundi í gjár varð Jacob Eli S. Olsen, sum hevur verið næstformaður seinastu tvey árini, valdur til formann.
Fyri vali stóðu Carl Eli Nolsøe Samuelsen, lærari í Eysturskúlanum í Havn, og Jona Højsted, lærari á Skálatrøð í Klaksvík. Umframt tey stillaðu eisini Jákup av Skarði, fyrstilærari í Nólsoy, og Tórhallur við Gil upp, lærari í Skúlanum við Løkin, upp.
Fyrstvaldur bleiv Carl Eli Nolsøe Samuelsen, og síðani Jona Højsted.
Av tí at Jacob Eli S. Olsen nú er formaður, er Tórhallur við Gil komin inn fyri hann sum fyrsti varalimur. Annar varalimur er Jákup av Skarði. Harumframt er Andrea á Rípuni í nevndini.
Nýggjastu sendingar í ÚV
Nýggjastu sendingar í SV