Nýggja høllin verður vígd

Útbyggingin fevnir um 12 hjúna-og familjukømur, felagsøki, og eina 450 fermetrar stóra kombihøll, sum kann nýtast til ítrótt, spæl, møti, fyrilestrar, skeið, konsertir og aðrar samkomur. 

500 sitipláss vera í høllini. Knýtt at høllini eru skiftirúm við brúsum. Í skjótt 30 ár hevur Leguhúsið í Nesvík hýst túsundtals børnum, ungum og vaksnum úr øllum Føroyum til legur og onnur tiltøk. 

Samanlagt eru umleið 10-15.000 gistingar í Nesvík hvørt ár. Høllin kostar 32 milliónir krónur og tiltakið 27. apríl er alment.