Estetiskar finalur og fótbóltur í dag

Fimm føroyameistara skulu finnast í fimm ymiskum bólkum. Talan er um pinkur, smágentur, gentur, kvinnuunglingar og kvinnur. 

Kringvarpið sendir finalur beinleiðis í sjónvarpinum, og sendingin byrjar klokkan tvey. 

Og so verður eitt umfar í bestu fótbóltsdeildini hjá monnum eisini spælt í dag. Mest spennandi dysturin á pappírinum er nokk grannauppgerðin millum Skála og Víking á Skála. Liðini liggja á ávikavist øðrum og triðja plássi. 

Á Eiði spæla EB/Streymur og HB, á Argjum tekur AB móti KÍ. TB og NSÍ hittast við Stórá í Trongisvági, og í Gundadali í Havn skal B36, sum er snávað eftir eina flúgvandi byrja upp á kappingarárið, royna at reisa seg aftur móti ÍF. ÍF, ið longu hevur fingið nýggjar venjarar, vann sín fyrsta dyst í ár seinasta mánakvøldið. 

Allir dyristirnir byrja klokkan trý.