Klaksvíkar talvfelag er steypavinnari

Fyri fyrstu ferð í sjey ár er Klaksvíkar talvfelag steypavinnari.

Sigurin kom í hús, tá kappast var í Klaksvík um vikuskifti. Fjøruti telvarar úr fimm feløgum luttóku.

Klaksvíkar talvfelag endaði við tilsamans 41 stigum. 

Sandavágs talvfelag fekk eisini 41 stig, men av tí at klaksvíkingar vunnu annan dystin 3½-2½ (hin endaði 3-3), bleiv tað avgerandi fyri endaligu støðuna.

Ársins telvari og ársins stjørnuskot

Í samband við kappingina blivu ársins telvari og ársins stjørnuskot kosnir.

Luitjen Akselsson Apol var kosin ársins telvari. Hann hevur havt eitt framúr gott kappingarár, og tað bleiv eisini staðfest til akvøðugreiðsluna.

Heili 88 prosent peikaðu á Luitjen Akselsson Apol sum ársins telvara í 2019.

Benjamin Reinert Fjallheim varð kosin ársins stjørnuskot. 

Hóast ungan aldur, so hevur hann verið virkin í fleiri ár. Benjamin fekk Reinert Fjallheim fekk 64 prosent av atkvøðunum.