Stóð væl til fíggjarliga í 2018

Væl stóð til fíggjarliga í Nes kommunu í fjør. Inntøkurnar hjá kommununi og avlopið vóru størri enn mett.

Og útreiðslurnar til rakstur og íløgur vóru minni enn roknað varð við í fíggjarætlanini fyri 2018. Bygdarráðið hevur samtykt roknskapin hjá Nes kommunu fyri 2018.

Nettoskattainntøkan hjá kommununi er 55 og eina hálva millión krónur, sum er nógv meira enn roknað varð við í fíggjarætlanini.

Avlopið hjá Nes kommunu var 3,4 milliónir krónur størri enn mett. Eisini íløgurnar kostaðu minni í fjør enn mett, 2,8 milliónir krónur minni.

Við árslok 2018 var nettoskuldin hjá Nes kommunu 21,4 milliónir krónur.