Kanna fleiri mál um stuldur á arbeiðsplássum

25.07.2019 - 18:39
Aktuelt112
Kanna fleiri mál um stuldur á arbeiðsplássum
Seinastu tíðina hevur byggifyritøkan Articon fimm ferðir upplivað, at stuldur er framdur á arbeiðsplássum, sum eru í gongd
Løgreglan kannar í løtuni ymisk mál um stuldur á arbeiðsplássum hjá byggifyritøkum. Myndin hevur ikki samband við ítøkiligu málini, umrødd í greinini
 

Tann 17. juli fekk politiið fráboðan frá byggifyritøkuni Articon um, at fyritøkan fleiri ferðir seinastu tíðina hevði upplivað, at amboð og útgerð hvarv á arbeiðsplássum, sum eru í gongd.

Ikki færri enn fimm ferðir høvdu tjóðar tikið amboð og annað, og málið var somikið álvarsligt, at tað varð fráboðað løgregluni.

Heri Andreassen frá kanningardeildini hjá løgregluni sigur, at politið í løtuni kannar málið, men at eingin enn er handtikin. Hann veit tí ikki at siga, um talan er um innanhýsis-stuldur ella uttanhýsis.

Tá fráboðanin kom, kannaði løgreglan millum annað um eitt lið av útlendskum arbeiðsfólki hjá Articon, sum var á veg við Norrönu av landinum eftir at hava arbeitt her eina tíð. Hesi arbeiðsfólk høvdu tó ikki nøkur stolin amboð við sær.

Skipaður stuldur

Tað er ikki greitt enn, um tey stolnu amboðini, framvegis eru í landinum, ella um tey eru farin við øðrum uttanlands.

Tað, at stuldur hendir á arbeiðsplássum, er ikki so óvanligt, men í hesum førum tykist tað, sum at talan er um onkran, sum hevur sett stuldurin í skipan. 

Fyri tað fyrsta, er talan um nógvar tilburðir upp á stutta tíð, og so er eisini talan um stuldur á plássum hjá eini og somu fyritøku. Eitt av arbeiðsplássunum, har stuldur hevur verið, eru eini stór sethús, IРverða bygd í Gæsugøtu í Havn.

 
Nýggjastu sendingar í ÚV
Fríggjadag 28. februar
Óhoyrt: Tey gomlu bjóða av
105425
Fríggjadag 28. februar
Dagsins yrking - Atferð 1 2 3
104580
Fríggjadag 28. februar
Pressan: Pengar til krabba er Public Service
105417
Fríggjadag 28. februar
Morgunlesturin fríggjamorgunin 28. februar 2020
105066
Nýggjastu sendingar í SV
Hósdag 27. februar
Depotið 01
105393
Hósdag 27. februar
Hyggjuráðið
105384
Mikudag 26. februar
Úr savninum: Ymisk lív
105296
Mánadag 24. februar
Upp á gólv - í Skálanum
105214