Reiðarin: Skipið blakaði seks tindaskøtur út

03.08.2019 - 12:40
Aktuelt112
Reiðarin: Skipið blakaði seks tindaskøtur út
Línuskipið Stapin var fyrr í vikuni tikið undir Íslandi fyri at blaka fisk út
Sambært Annfinni Olsen hava tindaskøtur einki virði, og tí verða tær vanliga blakaðar út aftur
 

Línuskipið Stapin varð í vikuni tikin fyri ólógliga útblaking undir Íslandi, skrivar Morgunblaðið.

Stapin fiskaðu 82 fjórðingar úr Vopnafjørði á Eysturlandinum, tá ið íslendska fiskiveiðieftirlitið filmaði Stapan við einari dronu. 

Sambært íslendsku løgregluni sást á upptøkunum, at Stapin blakaði fisk út.

Dronumyndir

Annfinn Olsen, reiðari á Stapanum, sigur við Útvarpið, at skipið varð biðið um at koma á Vopnafjørð, tá teir vóru lidnir at fiska, har myndirnar vóru gjøgnumgingnar á løgreglustøðini.

Sambært Annfinni Olsen sæst á myndunum, at Stapin blakar seks fiskar út. Sambært reiðaranum er talan um tindaskøtur, ið einki virði hava og tí vanliga verða blakaðar útaftur. Sambært reiðaranum vóru tríggjar av teimum livandi og svumu avstað aftur.

Løgreglan gjørdi ikki meira við málið á staðnum og Stapin fór aftur til fiskiskap. Annfinn Olsen hevur ikki hoyrt aftur frá løgregluni og veit tí ikki at siga, um málið fær eitt rættarligt eftirspæl. 

 
Nýggjastu sendingar í ÚV
Mánadag 16. september
Morgunlestur mánadagur 16. september 2019
98623
Sunnudag 15. september
Vælgagnist
98759
Sunnudag 15. september
Guðstænasta í Norðskála kirkju
98750
Leygardag 14. september
Fiskivinnan: mín ringasta marra
98742
Leygardag 14. september
Hetta heilaga Evangeliið skrivar 14. sept. 2019
98491
Nýggjastu sendingar í SV
Sunnudag 15. september
Guðstænasta úr Kollafjarða kirkju
98752
Sunnudag 15. september
Andaktin
98749
Fríggjadag 13. september
Kaj Klein konsert í Maggies
98618
Mánadag 9. september
3-2
98522
Sunnudag 8. september
Andakt við Ólavi Øre Hansen
98487