Demokratia: Hugsið um javnstøðuna

Tað sigur Marna Jacobsen, forkvinna í Demokratia. Stóru tapararnir á løgtingsvalinum hesa ferð vóru kvinnurnar. Bara átta av teimum 33 tingfólkunum eru kvinnur.

Fólkaflokkurin, Sambandsflokkurin og Miðflokkurin samráðast um samgongu. Bara tvær kvinnur eru valdar á ting fyri hesar tríggjar flokkarnar.

– Men tað eigur ikki at verða ein forðing fyri javnstøðu í einum nýggjum landsstýri, sigur Marna Jacobsen í samrøðu við útvarpið.