90 jarðhitahol borað í ár

Stórur áhugi er fyri at fáa jarðhita.

Partafelagið Jarðhiti hevur borað 90 hol til jarðhita higartil í ár.

Í fjør boraði felagið 130 hol.

Tað upplýsir stjórin í felagnum, Atli Nattestad.

Jarðhiti leitar nú eftir fólki at bora hol til jarðhita, og nakrir fyrispurningar eru komnir. 

Borar fyri øll

P/f Jarðhiti borar fyri øll, sum selja jarðhita í Føroyum.

Atli Nattestad, Demich og Svend Krosstein eiga Jarðhita, ein triðing hvør.

P/f Jarðhiti varð stovnað í 2014.

Tá sethús skulu hava jarðhita, verður eittans hol borað. 

Fleiri hol verða borað, er talan um skúlar ella aðrar bygningar.

Holini eru millum 200 og 240 metrar djúp.