Føroyar á 2. plássi undan síðsta umfarinum

Føroyar eru á 2. plássi í stóru flogbóltskappingini, sum er í høllini á Hálsi um dagarnar. Talan er um kapping fyri smátjóðir, har Føroyar, Ísland, Grønland og Skotland spæla.

Ísland er nummar eitt í bólkinum, Føroyar nummar tvey, Skotland nummar trý og Grønland nummar fýra.

Síðsta umfar verður spælt í dag, og Føroyar skulu spæla móti Íslandi. Um Føroyar vinna dystin móti Íslandi 3-0, enda Føroyar á fyrsta plássi.

Dysturin móti Íslandi verður kl. 17 í Høllini á Hálsi.

Grønland og Skotland spæla kl. 14.00. 

Kringvarpið stroymir allar dystirnar hjá Føroyum.