Eitt nýtt verk hevði verið bíligari

Eitt spildurnýtt verk hevði kostað sjey milliónir krónur minni enn niðurslitna verkið á Sundi, sum í dag ikki kann brúkast. Ein orsøk til meirkostnaðin var at sleppa av við ein kappingarneyta, sambært stjóranum á Landsverki.

Men sambært Sigurdi Lamhauge, stjóra á Landsverk, tryggjaði Landsverk sær ikki í keypssáttmálanum, at gomlu eigararnir ikki bara kundu lata eitt nýtt verk upp seinni, og aftur fara í kapping við Landsverk.

 >> SÍ EISINI Asfaltverkið á Sundi stongt eina ferð fyri allar

Tað segði stjórin á Landsverki í Degi & Viku í gjárkvøldið. Síðan keypið hevur Landsverk brúkt meira enn átta milliónir krónur til umvælingar av nú stongda asfaltverkinum,

Í dag stendur verkið sostatt í umleið 34 milliónum krónum, ella tvífalt tað, sum eitt nýtt hevði kostað. Beinta Løwe, løgtingskvinna, hevur sett ein fyrispurning á tingi um málið, men hann er ikki svaraður enn.