Pensjónin skal flyta við

Pensjónin skal flyta við
Tað skal verða lættari hjá fyritíðarpensjónistum at flyta millum Føroyar, Danmark og Grønland og fáa pensjónina við sær
Tað skal bera til hjá fyritíðarpensjónistum at fáa pensjónina við sær, tá fólk flyta millum Føroyar, Danmark og Grønland, ætlar landsstýriskvinnan í almannamálum
 
06.11.2019 - 08:55

Løgtingið fer í dag at viðgera eitt uppskot frá Elsebeth Mercedis Gunnleygsdóttur, landsstýriskvinnu í almannamálum, um almennar pensjónir.

Eftir galdandi lóg ber til at søkja um fyritíðarpensjón í tí landinum, tú býrt í, men flytur tú millum Føroyar, Danmark og Grønland, ber ikki til at fáa fyritíðarpensjónina við.

Søkjast má av nýggjum

Neyðugt er at søkja av nýggjum. Endamálið við lógaruppskotinum er at minka um markaforðingar, tá fyritíðapensjónistar flyta millum londini.

Til tess at røkka endamálinum, skal sama skipan setast í gildi í øllum trimum londum, soleiðis at fyritíðarpensjónistar hava somu rættindi, sama hvørjum landi teir flyta úr og til. 

Í meðal eru seks fyritíðarpensjónistar fluttir hvønn vegin millum Føroyar og Danmark frá 2010 til 2017.

Í gildi á nýggjárinum

Ongin fyritíðarpensjónistur er hesi árini fluttur millum Føroyar og Grønland. Tí eru fíggjarligu avleiðingarnar sera avmarkaðar, stendur í viðmerkingunum til upskotið.

Føroyar hava havt eina einvísa skipan um trý ára skiftistíð, har fyritíðarpensjónistur kann varðveita fyritíðarpensjón úr Føroyum, tá flutt verður til Danmarkar ella Grønlands.

Í framtíðini verður skiftistíðin í mesta lagi eitt ár. Elsebeth Mercedis Gunnleygsdóttur skjýtur upp, at lógarbroytingin kemur í gildi á nýggjárinum.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565