Jórun triðbest í heiminum

17.11.2019 - 03:36
Ítróttur
Jórun triðbest í heiminum
Jórun Larsen Mørkøre gjørdist í nátt okkara tíð nummar trý í heimsmeistarakappingini World Natural Bodybuilding Federation í New York
Mynd: © Jens Jákup Hansen  
 

Jórun Larsen Mørkøre kappaðist fyri tey profesionellu ella yrkisíðkararnar í WNBF-kappingini. 12 kvinnur vóru í bólkinum.

Kappingin varð skipað í tveimum umførum. Fyrst skuldu luttakararnir vísa seg fram í ymiskum støðum. Jórun fór á pall og gjørdi hetta stutt fyri klokkan níggju um morgunin lokala tíð.

Klokkan trý korter til átta um kvøldið var seinni parturin á skránni. Tá skuldi Jórun vísa fram eina seriu aftur við tónleiki í ein minutt.  Hetta var ein samanseting av rørslum, sum hon sjálv hevði valt.

Smáar tveir tímar seinni var greitt, at Jórun Larsen Mørkøre fekk eitt triðja pláss, sum er hennara besta úrslit nakrantíð í hesi kapping.

Áður er hon blivin nummar fýra og fimm, tað var í 2017 og í 2018.

 
Nýggjastu sendingar í ÚV
Leygardag 18. januar
Á Quiztinum: 1. innleiðandi umfar
103535
Leygardag 18. januar
Vanlukkan í Vesturísinum (2:8)
103094
Leygardag 18. januar
Leygardagur 18. januar 2020
103528
Nýggjastu sendingar í SV
Fríggjadag 17. januar
Hyggjuráðið
103513
Hósdag 16. januar
Nóllywood (2:2)
103104
Mikudag 15. januar
Mentanarvirðislønir landsins 2019
103404