- Tíðindi, mentan og ítróttur
Arbeiðið byrjar fyrr enn ætlað
Arbeiðið byrjar fyrr enn ætlað
Arbeiðið, at projektera tunlarnar norður um Fjall, er byrjað, og tað verður eftir ætlan liðugt um nakrar mánaðir
Tunlarnir norður um Fjall verða raðfestir fremst av teimum stóru tunnilsverkætlanunum, sigur landsstýrismaðurin
20.11.2019 - 07:14
Tað upplýsir Jørgen Niclasen, landsstýrismaður, í svari til Beintu Løwe í Tjóðveldi, sum hevur spurt um málið.
Løgtingið samtykti í heyst eina eykajáttan upp á 21 milliónir krónur til at framskunda verkætlanina við Hvalbiartunlinum, sum eftir ætlan verður liðugt boraður næsta ár.
Tað hevur við sær, at farast kann undir tunlarnar norður um Fjall fyrr enn ætlað. Enn er kortini ov tíðliga at siga, nær teir verða lidnir.
Tað veldst um, hvussu raðfest verður í langtíðar íløgukarminum, men tunlarnir norður um Fjall verða raðfestir fremst av teimum stóru tunnilsverkætlanunum, sigur Jørgen Niclasen í svarinum til Beintu Løwe.
Er kopiera
Nýggjastu sendingar í ÚV
Nýggjastu sendingar í SV
