Fólk í Sandoy oftast hjá kommunulækna

Fólk í Sandoynni vóru í miðal 4,6 ferðir hjá sínum kommunulækna í 2018. Tað vísa nýggj tøl hjá Heilsutrygd og Hagstovu Føroya.

Fólk í Vágum vóru í fjør í miðal 3,8 ferðir hjá sínum kommunulækna í fjør, og fólk í Norðstreymoy vóru í miðal hjá kommunulæknana 3,3 ferðir.

Hinvegin, so vóru fólk í Suðurstreymoy í miðal 2,8 ferðir hjá kommunulækna í fjør. Samlaða talið av viðtalum í kommunulæknaskipanini var umleið 160.000 í 2018.