Trump vil framvegis ikki útflýggja skattaskjøl

Hægstirættur í USA hevur góðtikið at lurta eftir einari frágreiðing frá amerikanska forsetanum, Donald Trump, hví hann ikki vil eftirlíka kravinum at útflýggja persónligu skattaupplýsingarnar.

Trump roynir at sleppa undan at útflýggja bankaupplýsingar, sjálvuppgávur og onnur skjøl, sum m.a. ein nevnd í umboðsmannatinginum hevur biðið um innlit í.

Ákæruvaldið í New York, har Trump búði, bað eisini um hesar upplýsingar, áðrenn hann gjørdist forseti.

Tríggir dómstólar hava sagt, at Donald Trump skal útflýggja skjølini, men allir úrskurðirnir eru skotnir inn fyri hægstarætt.

Hoyringar verða í mars, og væntandi kemur ein úrskurður í juni, upplýsir hægstirættur.

Tað er ikki vanligt, at forsetar sýta fyri at útflýggja skattaskjøl.

Tann seinasti, sum ikki vildi gera tað, var Richard Nixon, sum var amerikanskur forseti frá 1969 til 1974.