Kæran um svartkjaftabýtið verður viðgjørd í næstu viku

Tað verður ikki fyrr enn í fyrsta lagi seinnapartin í næstu viku, at landsstýrismálanevndin fer at viðgera kæruna hjá Árna Skaale um svartkjaftabýtið hjá Dennisi Holm, landsstýrismanni, sigur Hans Jacob Thomsen, nevndarformaður.

Løgtingið skal heim mikudagin í næstu viku og hevur úr at gera hesar dagarnar.

Umsitingin hjá løgtinginum hevur ikki stundir til at gera kæruna klára til nevndina at viðgera. 

Í landsstýrismálanevndini eru umframt Hans Jacob Thomsen Bárður á Steig Nielsen og Hanna Jensen.