Frítíðarkort til børn í Vága kommunu

Børn og ung í Vága kommunu fáa nú eitt frítíðarkort upp á 1500 krónur um árið, sum tey kunnu nýta at gjalda lima- ella luttøkugjald fyri ítrótta- og frítíðarítriv, sum verða bjóðað í kommununi. Tað sigur Bjarni Prior, borgarstjóri í Vága kommunu.

Bygarráðið í Vága kommunu hevur millum annað leitað sær íblástur í Runavík, ið hevur havt frítíðarkort til børnini í kommununi síðani 2020.