Fjarskiftiseftirlitið fær einki innlit

Føroya Tele skal ikki lata Fjarskiftseftirlitinum innlit í frágreiðing.

Tað er niðurstøðan í dóminum hjá Føroya Rætti 19. desembur í fjør

Fjarskiftiseftirlitið hevur gjørt av at kæra dómin til Eystara landsrætt.

Í 2019 tók ósemja seg upp millum Fjarskiftiseftirlitið og Føroya Tele, tí Føroya Tele vildi ikki lata Fjarskiftiseftirlitinum innlit í frágreiðing, sum grannskoðarafelagið SPEKT hevði gjørt fyri Føroya Tele.

SPEKT-frágreiðingin er um, hvussu økini hjá FT-samtakinum kunnu liðast meira sundur. Her verður hugsað um FT-NET og FT-Samskifti. 

GATT-greining

Frágreiðingin er grundað á eina GATT-greining hjá Fjarskiftiseftirlitinum, sum lýsti, um treytirnar, sum Føroya Tele fær frá FT-samtakinum, eru øðrvísi enn treytirnar, sum kappingarneytarnir fáa. 

Føroya Tele stevndi Fjarskiftiseftirlitinum í málinum, tí Føroya Tele metti ikki, at Fjarskiftiseftirlitið hevði heimild til at fáa innlit í SPEKT-frágreiðingina, tí talan var um eitt innanhýsisskjal. 

Og nú hevur Føroya Rættur so givið Føroya Tele viðhald. 

Jógvan Thomsen, stjóri í Fjarskiftiseftirlitinum, sigur við Útvarpið dag, at Fjarskiftiseftirlitið hevur kært dómin, tí málið hevur ein grundleggjandi, prinsipiellan týdning fyri eftirlitsvirksemið hjá Fjarskiftiseftirlitinum.

Hann vil ikki gera fleiri viðmerkingar, meðan rættarskipanin viðger málið.