Klakkur fer úr Noregi í dag

Nýggjasta línuskipið í føroyska flotanum, Klakkur, fyrr Geir 2, skal eftir ætlan seta kós móti Føroyum í dag.

Klakkur, sum er keyptur úr Noregi, er fyrsta línuskipið í føroyska flotanum, sum hevur dragibrunn.

Línan kann dragast upp gjøgnum ein brunn miðskeiðis í skipinum, og øll manningin er undir dekki, meðan arbeitt verður.

Manningarviðurskiftini annars eru eisini ógvuliga nýtmótans umborð á hesum skipinum.

Frystilínuskip

Nýggi Klakkur er frystilínuskip, og kann frysta umleið 35 tons av flaki og avhøvdaðum fiski um samdøgrið. 

Skipið hevur tríggjar diesel/electric Caterpillar motorar, sum hava 2.300 hestar hvør, og tað siglir knappar 14 míl.

Klakkur verður væntandi í Føroyum mikudagin.

Ætlanin er, at Klakkur skal fara fyrsta túrin til fiskiskap við Flemish Cap.