Sleppur ikki at halda røðu í ST

Sleppur ikki at halda røðu í ST
USA hevur noktað iranska uttanríkisráðharranum innferðarloyvi
 
07.01.2020 - 15:00

Iranski uttanríkisráðharrin, Mohammad Javad Zarif, ætlaði sær at halda røðu í ST, men tað sleppur hann ikki, tí USA hevur noktað honum innferðarloyvi.

Tað skrivar AP tíðindastovan.

Umbønin um innferðarloyvi til USA verður noktað, samstundis sum støðan er sera spent ímillum londini.

Iranski uttanríkisráðharrin vildi sleppa á fund í ST at fordøma amerikansku framferðina, tá iranski herovastin varð myrdur.

Sambært eini avtalu í ST frá 1947, skal USA sum heild loyva diplomatum úr øðrum londum at koma á fund í ST, tí ST hevur høvuðssæti í New York.

Amerikanska stjórnin hevur víst á, at undantøk eru, m.a. tá talan er um trygd, yvirgang ella uttanríkispolitisk viðurskifti. Meir vil amerikanska uttanríkisráðið ikki siga.

Iranska ST-sendinevndin sigur seg hava hoyrt um avgerðina í miðlunum, men sigur seg ikki hava fingið nakra almenna fráboðan um amerikansku avgerðina.

Talskvinnan hjá ST, Stephane Dujarric, vil ikki gera viðmerkingar til málið.

ST-sendiharrin hevur skírt amerikansku framferðina at verða brot á fólkarættin og yvirgang.

Seinast, iranski uttanríkisráðharrin var í USA, var á árliga fundinum hjá ST í heyst, skrivar Ritzau.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585