Fólkatalið minkar eisini

Størsta minkingin var í Skúvoyar kommmunu, sjey prosent. Fólkatalið minkaði fimm prosent í Hovi og færri fólk vóru á Viðareiði, í Skopun, Porkeri og í Sumba 1. desember í fjør enn 1. desember í 2018.

Fólkatalið minkaði 0,3 prosent í Sandoyar sýslu, men vaks í øllum øðrum sýslum í landinum. Størstur vøksturin í prosentum er í Eysturoynni, 2,5 prosent.

Í fólkum er størsti vøksturin í Tórshavnar kommunu, har vóru 332 fleiri fólk 1. desember í fjør enn 1. desember í 2018. 1. desember í fjør búðu 52.067 fólk í Føroyum, 807 fleiri enn árið fyri.