22 umsóknir til stjórastarvið í Búnaðargrunninum

Stórur áhugi er fyri at standa á odda fyri Búnaðargrunnin.

Tá freistin at søkja stjórastarvi í grunninum var úti fyrradagin, vóru 22 umsóknir til starvið. 

Símun Gullaksen, ið er formaður í stýrinum fyri Búnaðargrunnin, upplýsir, at setanartilgongdin byrjar í næstu viku. 

Eingin tíðarætlan er fyri tilgongdina, men hann vónar, at starvið verður sett skjótast gjørligt. 

Búnaðargrunnurin skal hava nýggjan stjóra, eftir  Regin I. Jacobsen,tók við starvinum sum stjóri í Vága Floghavn 1. desember.