Eingi tilmæli um bústaðir enn

17.01.2020 - 11:28
AktueltPolitikkur
Eingi tilmæli um bústaðir enn
Arbeiðsbólkurin verður ikki liðugur við arbeiðið fyrr enn síðst í hesum mánaðinum
 

Arbeiðsbólkurin, sum skal lata landsstýriskvinnuni tilmæli um átøk at at seta í verk á bústaðarøkinum, bleiv ikki liðugur til tíðina.

Bólkurin skuldi handa Elsebeth Mercedis Gunnleygsdóttir eina frágreiðing í gjár.

- Arbeiðið verður væntandi liðugt í hesum mánaðinum, sigur Regin Hammer, fulltrúi í Almannamálaráðnum og formaður í arbeiðsbólkinum.

Ítøkilig uppskot

Sambært arbeiðssetninginum skal bólkurin koma við ítøkiligum uppskotum til, hvussu útboðið av bústøðum kann økjast kring landið, skjótast gjørligt.

Bólkurin skal koma við uppskotum til hættir at byggja vardar bústaðir.

Eisini skal bólkurin koma við uppskotum tum alternativar fíggingarmøguleikar, sum kunnu seta gongd á byggingina av luta- og leigubústøðum, og sum betra um møguleikarnar at seta búgv uttanfyri miðstaðarøkini.

Og sum tað fjórða skal bólkurin koma við uppskotum um, hvussu øll bústaðarbygging kann verða javnsett í treytum - tað veri seg leigu-, luta-, eigarabústaðir og sethús. 

Almannamálaráðið, Fíggjarmálaráðið, Bústaðir, umboð fyri privatar útleigufyritøkur, áhugafelagið Búgva, Vinnuhúsið, Kommunufelagið og fíggingarstovnarnir eru umboðað í arbeiðsbólkinum.
 

 
Nýggjastu sendingar í ÚV
Mikudag 19. februar
Breddin
105036
Mikudag 19. februar
Nón 19. februar 2020
105032
Mikudag 19. februar
Dagsins yrking - Minni
104993
Týsdag 18. februar
Breddin
104990
Nýggjastu sendingar í SV
Týsdag 18. februar
Sí stuttdokumentarin: KOKS og stjørnurnar
104965
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891