BankNordik broytt væntan fyri 2019

BankNordik hevur nú broytt væntaða yvirskotið í 2019.

Tað bleiv annars eisini broytt í oktober í fjør.

Nú væntar bankin, at rakstaryvirskotið í 2019 verður millum 175 og 185 mió. kr.

Í oktober í fjør væntaði bankin eitt yvirskot millum 160 og 200 mió. kr. 

Øðrvísi nettoúrslit

Bankin væntar eisini, at nettoúrslitið verður øðrvísi í ár enn væntað varð í oktober.

Lægra markið er hækkað úr 175 milliónum krónum upp í 195 milliónir. Hægra markið er framvegis 210 milliónir.

Roknskapurin og ársfrásøgnin fyri 2019 verða kunngjørd 27.februar.