Nýtt virus breiðir seg til fleiri lond

Myndugleikarnir í Kina upplýsa nú, at níggju fólk eru deyð av ókendu lungasjúkuni, sum breiðir seg í landinum og til onnur lond. 430 fólk eru vorðin sjúk í Kina.

Tey flestu av teimum hava verið saman við øðrum fólkum. Sambært myndugleikunum hevur sjúkan breitt seg til høvuðstaðin, Beijing, og til Shanghai. Sjúkan byrjaði í Wuhan.

 >> SÍ EISINI Corona: Nógv fleiri smittað enn higartil hildið

Í nátt var ein tilburður í spælibýnum, Macau, sum liggur tætt við markið til Hong Kong. Virusið hevur eisini breitt seg til Tailand, Suðurkorea, USA og Taivan.

Í Avstralia er ein maður avbyrgdur, tí illgruni er um, at hann er sjúkur av virusinum. Floghavnir, sølumiðstøðir og tokstøðir verða sóttreinsaðar í eini roynd at steðga sjúkuni, skrivar Ritzau.