Vilja hava forboð fyri einnýtisplasti

Javnaðarflokkurin vil hava forboð fyri óneyðugum einnýtisplasti.

Flokkurin hevur lagt fram uppskot til samtyktar um slíkt bann.

Flokkurin vil hava løgtingið at heita á landsstýrið um at leggja fyri løgtingið lógaruppskot, sum bannar óneyðugum einnýtisplasti.

Tá tosað verður um óneyðugt einnýtisplast er tað tí, at framvegis verður mett at vera neyðugt at brúka einnýtisplast á ávísum økjum, so sum handskar og annað, sum fyribyrgja smittu á sjúkrahúsum, sigur Javnaðarflokkurin.