- Tíðindi, mentan og ítróttur
EBS-lond gjørt avtalu við ES
EBS-lond gjørt avtalu við ES
Avtalan tryggjar Noregi rættindi hjá 20.000 norðmonnum í Bretlandi og 15.000 bretum í Noregi
Norski uttanríkisráðharrin, Ine Eriksen Søreide, skrivaði undir avtaluna fyri Noreg
28.01.2020 - 16:22
Londini sum hava havt EBS-avtalu við ES, hava skrivað undir eina avtalu við Bretland, nú bretar fara úr ES á midnátt fríggjakvøldið.
Norski uttanríkisráðharrin, Ine Eriksen Søreide, skrivaði undir avtaluna fyri Noreg.
Avtalan fevnir eisini um Ísland og Liktinstein.
20.000 norðmenn
Avtalan tryggjar Noregi rættindini hjá 20.000 norðmonnum, sum búgva í Bretlandi, og 15.000 bretum, sum búgva í Noregi.
Tey fáa somu rættindi í framtíðini, sum tey hava nú.
Umframt mannarættindini, fevnir avtalan eisini um vøruflutning, toll, løgreglusamstarv og alment keyp.
Eftir at bretar fara úr ES fríggjadagin, verður talan um samstarv, sum skal vara alt hetta árið, skrivar NTB.
Er kopiera
Nýggjastu sendingar í ÚV
Nýggjastu sendingar í SV
