Føroyingar hava gott mót

Føroyingar hava gott mót
Miðaltreystitalið er nú 32, sum er tað hægsta síðani 2014, sigur Hagstovan.
Treystitalið hjá handilsvinnuni er hækkað úr 23 upp í 29
 
04.02.2020 - 13:04

Føroyingar hava gott mót.

Konjunkturbarometrið gongur upp, og treystitalið í januar var hægri enn tað var í seinastu fimm kanningum.

Slíkar kanningar verða gjørdar tvær ferðir um árið.

Miðaltreystitalið er nú 32, sigur Hagstovan.

Byggir á spurnarkanningar

Treystitalið byggir á fimm spurnarkanningar um fíggjarstøðuna í landinum og ikki minst um útlitini.

Húsarhald, tilfeingisvinna og annar ídnaður, byggivinnan, handilsvinna og tænastuvinna eru spurd.

Vit skulu aftur til juli 2014 fyri at finna eitt tal sum er størri enn 32. Í juli í 2014 vart treystitalið 37.

32 er miðaltalið. Sammett við talið í fjør juni, er talið hjá brúkarum tó farið úr 19 niður í 5.

Hjá byggivinnuni er treystitalið farið úr 13 niður í minus eitt.

Hjá øðrum vinnum er talið farið upp, mest hjá tænastuvinnuni, úr 39 upp í 53, hjá tilfeingisvinnuni úr 13 upp í 35, og hjá handilsvinnuni úr 23 upp í 29.   
 

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565