Mjølnir og SÍ í steypafinaluni

08.02.2020 - 17:09
ÍtrótturFlogbóltur
Mjølnir og SÍ í steypafinaluni
Finaluliðini í steypakappingini í flogbólti hjá kvinnum eru funnin
SÍ vann sína hálvfinalu ímóti Drátti, og tær skulu tí spæla steypafinalu móti Mjølnir 22. februar
Mynd: Niklas Joensen, Flogbóltssamband Føroya  
 

Stóri hálvfinaludagurin í Klaksvík er nú komin í helvt, og greitt er, at Mjølnir og SÍ hittast í kvinnufinaluni.

Í fyrstu hálvfinaluni vann Mjølnir 3-0 á KÍF. Klaksvíkskvinnur vóru omaná so at siga allan dystin, men stórur spenningur kom í endanum á øðrum setti, tá KÍF var um at koppa Mjølnir.

Við leikandi venjara Alinku Adamenya og Sofíu P. Splidt á odda endurvann Mjølnir tó leiðsluna og endaði við at vinna dystin 3-0. 

Settúrslitin í dystinum vóru 25-21, 26-24 og 25-21.

Í hinari hálvfinaluni brustu vágaliðini SÍ og Dráttur saman. SÍ kom betri frá byrjan, og hóast liðini skiftust um at spæla betri gjøgnum tað mesta av dystinum, so megnaði Dráttur ikki veruliga at koma fyri seg, fyrr enn seint í triðja setti.

Tá gjørdu tær ein vørr og vunnu settið, soleiðis at liðini máttu spæla enn eitt sett.

Í fjórða setti megnaði Dráttur at endurskapa ein part av spenninginum frá triðja setti, men tað var ov seint, og endin var sostatt, at SÍ vann dystin og harvið finaluplássið. 

Settúrslitini í dystinum vóru: 26-24, 25-19, 23-25 og 25-20.

 

Sostatt skulu Mjølnir og SÍ spæla steypafinalu á stóra finaludegnum 22.februar. 

Komandi løtuna verða finaluliðini hjá monnum funnin. Í fyrru hálvfinalu spæla Fleyr og SÍ, og aftaná bresta Mjølnir og ÍF saman um hitt finaluplássið. 

Hálvfinalurnar kunnu stroymast her.

 
Nýggjastu sendingar í ÚV
Fríggjadag 30. oktober
Nón 30. oktober 2020
115591
Fríggjadag 30. oktober
Pressan: Miðlarnir til sýn
115564
Fríggjadag 30. oktober
Góðan morgun Føroyar
115563
Fríggjadag 30. oktober
Tá ið eg tosi um at renna - 01.partur
115554
Fríggjadag 30. oktober
Morgunlestur frígggjadagur 30. oktober 2020
115365
Nýggjastu sendingar í SV
Hósdag 29. oktober
Línumenn (2:3)
115501
Týsdag 27. oktober
Atlantshavið (2:3) - Fjøllini í dýpinum
115572
Mánadag 26. oktober
3-2
115334
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261