USA herðir handilskríggið við ES

15.02.2020 - 14:35
AktueltÚtheimurin
USA herðir handilskríggið við ES
Amerikanskir myndugleikar hækka tollin á flogfør frá evropisku flogverksmiðjuni, Airbus, úr 10 upp í 15 prosent
 

Tollurin kemur í gildi 18. mars, og er partur av drúgva handilsstríðnum millum USA og flogverksmiðjuna, skrivar amerikanska skrivstovan fyri handilspolititikk, USTR, í gjár. Fráboðanin kom bert fáar dagar eftir, at amerikanski forsetin, Donald Trump, segði, at nú var stundin komin at taka álvarsprát um handilsavtaluna við ES.

Í oktober í fjør legði Trump 25 prosent toll á fleiri evropiskar vørur, sum aftursvar, tí Airbus fær stuðul frá ES.

Niðurstøðan hjá heims-handilsstovninum, WTO, er, at ES-stuðulin til Airbus er ólógligur, og felagsskapurin hevur givið USA heimild at svara aftur við at broyta tollásetingar fyri evropiskar vørur, fyri at fáa 7,5 milliardir dollarar í endurgjaldi. 

WTO hevur í líknandi mál um amerikansku flogverksmiðjuna, Boeing, sum er argasti kappingarneyti hjá Airbus, givið ES viðhald. ES hevur higartil ikki fingið heimild at hækka tollásetingarnar, skrivar NTB.

 
Nýggjastu sendingar í ÚV
Mikudag 1. apríl
Nón 1. apríl 2020
107084
Mikudag 1. apríl
Áðrenn Elvis
107082
Mikudag 1. apríl
Áðrenn Elvis 1 apríl 2020
107076
Nýggjastu sendingar í SV
Mikudag 1. apríl
Savnsgull: Ymisk lív
57373
Sunnudag 29. mars
Andakt við Ove Froyseth
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790