Ferðavinnan í Eysturkommunu skal mennast

Eysturkommuna hevur sett sær fyri at menna ferðavinnuna í kommununi.

Kommunan hevur fingið ráðgevarafyritøkuna CommIT at hjálpa sær við tí.

Seinnapartin í dag vera íverksetarastovur fyri tey, sum hava hugskot at menna til ferðavinnuna og hava tørv á vegleiðing. 

Fólk kunnu bíleggja sær tíð til prát við CommIT.

Ókeypis tilboð

Hetta er ókeypis tilboð, bæði til teirra, sum longu eru í gongd við ferðavinnutilboð, og teirra, sum hava hugskot at fara í gongd við.

Byrjað varð longu seinasta týskvøld, tá 40 fólk komu at hoyra um nýggjar vinnumøguleikar í ferðavinnu ella fáa hugskot um verandi ætlanir. 

Endamálið er at stimbra undir átøk til ferðafólk og samansjóða og skipa ferðavinnuna í kommununi.

CommIT fer at skipa fyri tiltøkum fyri ferðavinnuveitarar um vørumenning og marknaðarførslu og átøkum fyri ferðavinnuspírum og íverksetarum um møguleikarnar í ferðavinnuni.