JFK fær nýggjan trolara um tvey ár

JFK fær nýggjan trolara um tvey ár
Hanus Hansen, stjóri, sigur, at nýggja lógin um sjófeingi gevur reiðarínum tryggari karmar, og tí verður hetta stigið tikið
Nýggi trolarin kemur í staðin fyri Gadus
 
20.02.2020 - 08:55

Reiðaríið JFK í Klaksvík hevur skrivað undir sáttmála um ein nýggjan trolara, ið fyrst og fremst skal brúkast til fiskiskap í Barentshavinum.

Nýbygningurin, sum kemur í staðin fyri Gadus, er flakatrolari, ið eisini kann virka alt av fiskinum umborð.

Sambært Hanusi Hansen eru allir smálutirnir ikki komnir avgreiddir enn, men skipið verður bygt í Turkalandi og fer at kosta umleið 400 milliónir krónur.

- Gongst sum ætlað, verður nýbygningurin á Klaksvík á Sjómannadøgunum í august 2022, sigur Hanus Hansen við Kringvarpið.

Tryggari karmar

Á vinnuliga kjakinum á Skúlatrøð í Klaksvík í gjárkvøldið segði Hanus Hansen, at orsøkin til hetta stigið fyrst og fremst eru teir tryggu karmar, sum nýggja lógin um sjófeingi hevur givið hansara reiðaríi.

Kringvarpið skipaði fyri vinnuliga kjakinum, ið verður sent í sjónvarpinum eftir Dag & Viku í kvøld.

JFK-samtakið hevur í løtuni rættindi til umleið 47 prosent av føroysku kvotunum av botnfiski í Barentshavinum. Nýggja sjófeingislógin ásetir, at hesi rættindi eru galdandi í 12 ár.

Gadus fiskar hesa kvotuna. Gadus er bygdur í 1987, og kom í føroyska flotan í 2010.
 

Er kopiera
Nýggjastu sendingar í ÚV
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Sunnudag 16. mars
Doktor Sophus (2:3)
189272
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226