- Tíðindi, mentan og ítróttur
Atlantic flýgur til London í summar
Atlantic flýgur til London í summar
Átta túrar verða gjørdir frá 23. juni til 11. august
![](https://kvf.fo/sites/default/files/styles/grein-ovasta-mynd/public/atlantic_airways_atlantsflog_airbus.jpg?itok=DGPgyWnO)
21.02.2020 - 14:11
Atlantic Airways fer at flúgva til London í summar.
Flogið verður hvønn týsdag í summarfrítíðini, og flogið verður til Gattwick-floghavnina uttan fyri London.
Atlantsflog ger átta túrar til bretska høvuðsstaðin. Fyrsti túrur verður 23. juni, og tann seinasti verður 11. august.
Atlantsflog fleyg fyri nøkrum árum síðani til Stanstead uttan fyri London, men rutan helt uppat. Seinastu árini hevur verið flogið beinleiðis til Edinburgh í Skotlandi.
Nú London legst aftrat, flýgur Atlantsflog tilsamans 11 farleiðir út í heim.
Meiri verður at frætta í útvarpstíðindunum.
Nýggjastu sendingar í ÚV
Nýggjastu sendingar í SV