Mjølnir steypavinnari hjá monnum

Mjølnir kom sera væl frá byrjan í mansfinaluni. Móttøkuspælið hjá SÍ eydnaðist ikki, og tað gav teimum stórar trupulleikar í teimum báðum fyrstu settunum.

Sørvingar fótaðu sær tó í triðja setti og góvu klaksvíkingum skarpan gang.

Spenningurin í tí settinum helt sær allan vegin til seinasta bólt, tí tað var ikki fyrr enn støðan gjørdist 29-27, at Mjølnir hevði vunnið triðja sett og harvið steypafinaluna. 
Settúrslitini í mansfinaluni vóru hesi: 25-15, 25-19 og 29-27.