230 fólk søgd upp í Danske Bank

Danske Bank sigur 230 fólkum úr starvi, og leggur 400 størv niður í samtakinum, skrivar danska kringvarpið.

 - Vit gera broytingar, sum gera bygnaðin einfaldari, og tað hevur við sær, at vit siga 230 fólkum úr starvi, sigur Karsten Breum, HR-leiðari í Danske Bank, sambært DR.

Av teimum 230, sum eru uppsøgd, starvast 120 í Danmark. 60 starvsfólk í Finnlandi, 44 í Litava og eisini nøkur í Noregi og Svøríki missa eisini starvið.

Uppsagnirnar eru partur av ætlanini hjá Danske Bank næstu árini at skerja útreiðslurnar og økja um talgildingina.