Fámjin eisini upp í tilbúgvingina

Fámjins kommuna skal upp í samstarvið um tilbúgving, sum Tvøroyrar kommuna og Hvalbiar kommuna hava.

Kommurnar, sum eru við í samstarvinum, gjalda eftir fólkatalinum.

Málið var fyri á býráðsfundi á Tvøroyri mikudagin.

Kommunustýrisskipanin hjá kommununi er broytt. Eitt umboð fyri Fámjins kommunu skal upp í tilbúgvingarnevndina.

Í tilbúgvingarnevndini eru borgarstjórin á Tvøroyri, løgreglan, átaksleiðarin, tvey umboð fyri Tvøroyar kommunu, bjargingarfelagið og eitt umboð fyri Hvalbiar kommunu. Nú skal so Fámjins kommuna við eisini.