Alternativet er í upploysn

Danski fólkatingsflokkurin, Alternativet, er í upploysn.

Tað tykist greitt, eftir at fýra av fimm fólkatingslimum hava tikið seg úr flokkinum í dag.

Millum teirra, sum er farin úr flokkinum, er ein av stovnarunum, Uffe Elbæk. Hannsigur seg ikki kenna flokkin aftur.

Rumbul hevur verið innanhýsis í Alternativet, og fleiri hava sett spurnartekin við leiðslustílin hjá nýggju forkvinnuni, Josefine Foch, sum millum annað er løgd undir at taka í starvsfólk hjá flokkinum og rista tey.

Stuðul frá floksleiðsluni

Um vikuskiftið fekk Josefine Foch stuðul at halda fram sum forkvinna frá einum sera teprum meiriluta í floksleiðsluni. 

Lokalfelagið hjá Uffe Elbæk kravdi síðani,  at hann alment stuðlaði hana sum forkvinnu.

Tað vildi Uffe Elbæk ikki, og hann hevur í dag tikið seg úr flokkinum, saman við trimum øðrum.

Teir fýra fyrrverandi limirmir í Alternativet vera nú uttanflokka á fólkatingi