EM í fotbólti útsett til 2021

Christian Andreasen, forseti í Fótbóltssambandi Føroya, situr í løtuni á videofundi við evropeisku fótbóltssamgonguna. Hann váttar, at endaspælið er útsett í eitt ár, og sostatt verður spælt í døgunum 11. juni til 11. juli 2021.

Ætlanin er tá at avgreiða endaspælið í teimum 12 evropeisku býunum, sum upprunaliga ætlanin eisini var. Millum býirnar er danski høvuðsstaðurin Keypmannahavn, har fýra dystir skulu spælast.

Fundurin er framvegis ikki liðugur, so nærri kunning fæst seinni í dag.